सवारी चालक अनुमति पत्र (लाइसेन्स) को दरखास्त दिनका लागि चाहिन्छ यी योग्यता

काठमाडौं– यातायात व्यवस्था विभागले आजबाट सवारी चालक अनुमति पत्र (लाइसेन्स)का लागि अनलाइन आवेदन पुनः सुचारु गरेको छ । कोरोना महामारीसँगै २०७६ चैत ११ गतेबाट बन्द भएको लाइसेन्स परीक्षाका लागि विभागले मंगलबारबाट अनलाइन आबेदन सुरु गरेको हो ।


आजबाट सुरु भएको अनलाइन फर्म भर्न र सवारी चालक अनुमति पत्र प्राप्त गर्नका लागि दरखास्त दिने व्यक्तिको निम्न योग्यता हुनुपर्दछ:

– ठूला सवारी साधनका लागि २१ वर्ष पुगेको हुनुपर्छ ।

– साना तथा मझौला सवारीका लागि १८ वर्ष पुगेको हुनुपर्छ ।

– मोटरसाइकल तथा त्यस्तै अन्य सानो २ पाङ्ग्रे सवारीको हकमा १६ वर्ष उमेर पुगेको हुनुपर्छ ।

– छारे रोग भएको वा, बौलाएको वा एकाएक रिंगटा लाग्ने वा मुर्छा हुने किसिमको रोग नभएको व्यक्ति हुनुपर्छ ।

–आँखा देख्ने शक्ति कमजोर भई चश्मा प्रयोग गर्दा पनि सामान्य तवरले देख्ने शक्ति ठीक भएको व्यत्तिः हुनुपर्छ ।

– साधारण ध्वनी, संकेत, आवाज सुन्न सक्ने व्यक्ति हुनुपर्छ ।

– नेपाली भाषामा साधारण लेखढ गर्न सक्ने ।

Leave a Reply